بشروه ابرحل

زائر

عليكم ورحمة الله وبركاته

هذي القصيدة لقيتها في قصه واعجبتني كلماتها ونقلتها لكم

انشاءالله تعجبكم

(بشروه اني ابرحل)

بشروه إني أبرحل مـن حياتـه
بشروه وفرحـوا فينـي ذويـه

كفنوا جسمي بماضـي ذكرياتـه
ادفنونـي فالمكـان اللـي يبيـه

اطلبو منّـه إذا خلّـص صلاتـه
فوق لحدي يحمله براحـة يديـه

و لي وصل قبري وحقق له مناته
يدفن انسانة تحبه تمـوت فيـه

علموه إني وربـي مـن غلاتـه
أعشق ترابٍ مشت رجله عليـه

حلفـوه يشـد ويقـوي ثباتـه
لا ينزّل دمع يجرح لـه عينيـه

باكر بيندم ويصحى من سباتـه
يحتضن قبري ويبكـي يرتجيـه

يعتذر عن جرحه وظالم سواتـه
معترف بالذنب لكـن بعـد ايـه

مايفيد الصوت دام الفوت فاتـه
من خذاه الموت وش له يحتريه

الزمن غـادر وتطحَنـا رَحاتـه
ماصفا حاله على الدايـم جذيـه

يستوي ويقوم ويلملـم شتاتـه
يبقى شامخ جلد صبـار ونزيـه

اطلبوه يسمي وحدة مـن بناتـه
بإسمي وطيفي معا بنتـه يجيـه

طمنوه انـي مسامحتـه لذاتـه
بشـروه.. الله يرضالـي عليـه

وادفنوه بجنبي ان حانت وفاتـه
جنب انسانة وربي تمـوت فيـه

فيصل

زائر

مشكووور لكن القصه هي اثرت فيني يوووم قريتها
يسلمو غاليوووو

زائر

العفو,,,,

شرفني مرورك