ماني مجازيك في صدك وهجرانك
ودعتك الله وتلقى واحد(ن) ثاني
أتعبت الأعيان والأقدام من شانك
وانته ولا شي سويتة علشاني
فزيتلك يوم قلت سمك وعنوانك
لو كان ما تنتمي لسمي وعنواني
ما جيت أدورك ولا أطق بيبانك
ولا ترى جاك مثل أفلان وفلاني
أنت الذي جيت وأعلنت بلسانك
انك على شوفتي جايع و عطشاني
صدقت هجرك ومنطوقك من ألسانك
وفزيتلك مندفع من كل وجداني
ما كنت اصدق يجي في يوم نسيانك
و أنساك وانته معاهدني ما تنساني
إلا باعد ما قريت الكذب في فعيانك
حاولت أودعك وأنسى كل ما كاني
خلاص ماني بمتعني علشانك
وداعتك الله وتلقى واحدن ثاني
