بيوم الحب وبليله لقيت الكل سعيد فرحان
وقلبي باقي يظلمني وتملك قلبي الاحزان
مشيت بشارع لحالي اشاهد للهنا الوان
لقيت عيون تسرقني وقلبي طار بلا استئذان
ولكن طيب اخلاقه جعل قلبي رجع حيران
جذبني حسنه وطيبه لقيته للادب عنوان
ويوم قدرت اوصله بكلمه صرت انا هيمان
نسيت الحزن وجرحي نسيت ايامي والازمان
ببحر عيونه ياسرني ويعطيني دفا وامان
لقيت بقلبه احساسي لقيته نبع حب وحنان
واكثر شي يجذبني احس بصوته عزف كمان
ورغم فراقي لاهلي معاه احيا بلا حرمان
سجدت وشاكرا ربي ودمعي ساكن الاجفان
بعمري افتدي حبك ولا يفرقنا اي مكان
