--------------------------------------------------------------------------------
انواع الشباب
رعودي:ابو السيارات ((يا قاهرهم))
هذا النوع من الشباب تلقاه يموت في شي اسمه التفحيط
ما همه الا التفحيط والسيارات تقول عنده السيارات عنده زينة الحياة الدنيا
ما همه الا الهجولة الرجال بيقلد ابو زقم,, وزي كذا تلقاه كل يوم في الحجز
ويسوي حوادث,, واذا سوا حادث بسيارته ولا خربت عليه ما يرتاح,, يروح ياجر سيارة ويكمل شغله
خاصة اذا فاز المنتخب, ولا ناديه المفضل, ولا ايام الاختبارات, الله يهديهم وكل سواليفه تفحيط في تفحيط
ونص شباب السعودية ماتوا بسبب التفاحيط والسرعة
مصرقع بس عاقل:المهابيل المنسمين
هذا النوع من الشباب ما يعرف وين الله حاطه يمشي مع الشباب
وكانه مو موجود,, وجوده زي عدم وجوده ,,ما يهتم في نفسه كل شي عنده طبيعي
على نياته لو تقول له يله خذ هذي الحبة جربه يجربه ويروح فيها الرجال على نياته
تقول له يله نسوي كذا ولا كذا عادي عنده يقول لك قدام عادي
ويوم تشوف شكله تقول انه مطوع ولا مسكين وهو من جنبها ما يعرف اصلا طريق المسجد بس عشانه ما يهتم بشكله
عاشق الشر:الغزلنجية
هذا النوع من الشباب الي كل همه وسواليفه بنات في بنات
ما يعرف غير الاسواق واماكن العوائل ويطلع لك من البيت متكشخ اخر كشخة
وعلى طول للاسواق واماكن العوائل تلقاه يغازل
تشوف جواله ارقام البنات عنده اكثر من ارقام الشباب هذولا الغزلنجية ما اقول الا الله يهديهم
مليش دعوه :العاشق الولهان
ومن الحب ما قتل هذا النوع اذا حب الله لا يوريكم
تلقاه كل شوي مهموم,, تلقاه قبل ما يحب يمشي مع الشباب ويفلها لكن بعد ما يحب تلقاه ما يمشي مع الشباب كثير
وحتى اذا طلع مع الشباب يتمشى كل شوي تلقاه مهموم تسولف معاه يقول لك هاه ما يدري واش السالفة وجوده زي عدم وجوده ههههههههه
هذا الحب الي يسوي كذا,,, الحب وما ادراك ما الحب,,, وكل شوي يقول للشباب انا ماشي انتم طولتو اليوم خلاص انا ماشي
اصلا تلقاه ما سولف ولا شي بس قعد زي الصنم قاعد يفكر في حبيبته
وانا ما اقول الا الله يكون في عون كل العاشقين
عبدالكريم1:الرياضة والرياضيوون هههههههه
يجيك هذا الشاب الرياضي كل همه رياضة وخاصة الكورة
يموت في شي اسمه الكورة يسوون مضاربات ومشاكل بس عشان فريقه
اول ما يصحى من النوم كورة في التلفزيون ,,,اذا ما في مباراة على طول برة البيت مباراة مع الشباب ولا مشترك في دوري
واذا غلطت على ناديه المفضل يزعل منك وحتى يتهاوش معاك وتوصل للمضاربات بعد
المنسي: الدشير الشلة الفاسدة
هذولا الشباب الي بايعينها كل شي يسوونه دخان حشيش اي شي خراب تحصله عندهم
واي شي خراب يسوونه,,,وما عليهم من احد,,, والابو تلقاه طفش منهم من كثر المشاكل والمضاربات
وحكين الفزعات الملاعين تبغاه يطب معاك في مضاربة جاهزين ما عليهم من احد
وتلقاه ما يشتغل اعتمادهم بس على السرقات ويبيعون ممنوعات ما اقول الا الله يهديهم
ومن هذي الفصيلة من الشباب سرقوا سيارة اخوي واخذوا كل شي من السيارة
المسجل والسماعات واشرطة اغاني كثيرة كلها اخذوها
عاد اخوي مقطب السيارة اخر تقطيب
بس جنوط السيارة ما قدروا عليها عشان له مفك خاص
وما علينا منهم
ابو جعيثين: ناس كوووووول
هذا الشاب ولا بلاش هذا الي على طول كشخة وولد كوووول تلقاه رومنسي يهتم بنفسه وطيب قلب
وما يمشي الا مع الموضة ويعرف مصلحة نفسه وما يمشي مع اي واحد,,, وحبوب من كل الناس
واكيد ولازم تلقاه يحب,,, زي هذولا الشباب الكول لازم تلقاهم يحبون,,, ويحبون بنات كوول زيهم مو اي وحدة
ويحبون حب صح مو حب اوهام وخرابيط وما تسمع عنه مشاكل و لا شي
خخخخخخخخخخخخخخخخخخخخخ
تحياتي *********************
وهذولا الشباب اكثرهم في السعودية والخليج
طبعا الي فوق ملللطوش بس طبعا لازم اعطي رائيي بالتماسيح صراحه وععع هذا ابو كووول ما احبهم مدري احس انهم خكريا انا احب الي بايع الدنيا الي بس يضحك حتى وهو نايم يضحك احب المهبول اههههههه بس تحمست ابي انهبل
وفي الاخير (((اضحك وفلها وربك يحلها))) الدنيا ضحححححك و وناسه خليها وعليها قلبت على قناة وناااسه ( الأخت مندوبه قناة وناااسه الي يبي انزله فديو كلب يكلمني على جوالي بس انا طبعا جوالي تحويل على مكتب الهيئه هههههه لا لا لا امزح بس خلاص قمت اخربط عليكم
