ترى الكلام اللي حكيته وصلني ......... وياللأسف مدري وش اللي جرالك ..
شالي جرى لعقلك فكر ياظني .......... انا اهينك وابتعد عن مجالك ..
انا صحيح اني صغيرة بسني .......... بس انتبه حبي ترى حيل هالك ..
لالاتخليني احطك بظني .......... والله لعزي فيك عمك وخالك ..
دام العذاب فنون اخضع لفني ............ عندي العذاب اشكال ماهي فبالك ..
نصيحتي ابعد بعيد وخلني ........... اخترت انا الفرقا وبنهي وصالك ..
احذرك ماهو بتهديد مني ........... ماينفعك لو قلتلك كلي حلالك ..
شفتك قدرت تعيش عني متهني ............ ولاذكرت قلب عزك وشالك ..
مأقنعني كذبك ولاهو يهمني ........... تكذب على نفسك وتتبع خيالك ..
لاتعتقد اني اصدق تحبني ............ حتى عيونك تفضحك وانفعالك ..
بدري عليك انك تهين وتذلني ......... أنا عزيزة نفس والذل فالك ..
اعشق منو تعشق ترى ماتحرني ........... انا لقيت اللي يحبني بدالك..
واذا لمحت الهم بعينك يسرني ........... تبعد عن العالم وشوفك لحالك ..
تذكر كلام قلته العام عني ........... منته بقده واحسن اللي جرالك ..
تحيااااااااااااتي ,,
