ليش بس بالسعودية البنات إذا راحت لزواج وجت نفسيتها تعبانه للبيت قالت مصكوكة بعين ويهولون بعمرهم ؟؟ على ايش يعني أنتي اللي مره مسكته وجمالك خارق والباقين إي شيء
ليش بس بالسعودية البنات يطلعون رقبتهم من ورا الطرحه والنحر باين ولا ننسى القذله خخخخخخخ، واللبس حدث ولاحرج ؟؟ ليش متغطيه أصلا ؟؟
ليش بس بالسعودية الشباب ينزلون بناطيلهم عالآآآآخر شوي ويطيح ؟؟ يعني ترااا وخر عني ملفت للنظر؟؟ ياخي شف لك شيء على مقاسك
ليش بس بالسعودية بعض الشباب يلبسون شماغ ومربي شعر طويل ؟؟ يعني كول غصب؟؟ وإذا وقف عند اشاره قام يطالعك ويمسك شعره لووول ليش مشبه على حلاق
و الا مسوي أنطونيو ولد أليخاندرو على هالشعر اللي يفشل
ليش بس بالسعودية الناس لما يسوقون ما يهدون عند المطبات ؟ يعني إلا أبي أسووي جراندايزر ولا طرزان بالسيارة ؟؟ يااخي صووون حلالك <<-- يعني سمع كلامك الحين
ليش بس بالسعودية ظاهرة التفحيط منتشره وأكثرهم بزارين ؟؟ وإذا مسكوه : اعترف على الجمهور من الخوف لوووول؟؟ وين العربده والمهايط قبل يمسكونك (طارت في مهب الريح)اقووووول الله يرحم حالك بس لا ومن زين الطبايع سارق السياره
ليش بس بالسعودية البنجلادشي إذا اشتغل 5 سنوات ، يصدق عمره ويقعد يطالعك بنظره عنيفة ؟ ؟ لا يكون بس عطوه الجنسية بدون مايقدم عليها ... عز الله ابطى ماخذاها
ليش بس بالسعودية كل يوم نسمع أشاعه ونصدقها وتنتشر بسرعة مثل سرعة الضوء لوووووووول ؟؟؟
ومع هذا أنت تروح تقول نفس الاشااعه بس ماتقول منقول ..يعني واثق إذا بكرا طلع الخبر أكيد بيعطونك منصب وزااري ولابيحطون لك خط ساخن خخخخخخ
ليش بس بالسعودية من يوم ولدنا ينجح من الكفائه نصك له موباايل وشريحة سوا ؟؟ يعني نعلمه على الهيااته بدري <<-- وآخرتها سدد يالحبيب
ليش بس بالسعودية الشباب طالعيلنا بطلعة بصراحة مدري للحين أنا اسأل عنها !!بجد يعني حاط على القزازه الخلفيه ثلاث أرقام يعني اشتراك فاتوره ولا رقم حسابه ولا مقاس السيارة ؟؟؟؟ غصب أبي افهم << - - - خاصه بالشباب
ليش بس بالسعودية إذا اسألو البنت أمك بنت مين ؟؟ قامت تناقز من الفرحة وتقول يااااااااااااااااربيه ماراح اصدق بيخطبوني؟؟ ومن يوم تتصل على صديقتها تعلمها وهي مصكوكه بعين <<<< يانقزه ماتمت
ليش بس بالسعودية الشباب أول مايتزوج أنواع التدليع يأخذ زوجته كل يوم لمطعم، وآخر الشهر يأكلها معلبات ولا تونه ؟؟؟ يمدحون خبز تميس وفول مع كاس لبن وتنام بعده بيطلع لمعدتك ذقن من الروعة
ليش بس بالسعودية بزواجات الحريم لازم إذا دخلوا أهل العروس ولا المعرس أغنيه كل الفلان خياله مع انك إذا طلعت برا حصلت جمس موديل صفر ولا جاية بلموزين؟؟ أي خياله يرحم أبوكم مانعرف نركب سكوتر
ليش بس بالسعودية بزواجات الحريم إذا زفوا العروس ودخلت الصاله ، البنات تدمع عيونهم ؟؟ لوووووووووووووووووول يعني خلاص ماراح يشوفونها ولا راحمينها على شانها تزوجت (بنزل للموضوع هذا مسلسل)
ليش بس بالسعودية إذا دخلت مطعم مع أن كل اللي فيه يفهمون عربي واصلا المنيو بالعربي تحاكيهم وتطلب بالانجليزي ؟؟ يعني لازم تفهم اللي حولك انك فلته وانك رايح الصيف اللي راح برا .. طيب درينا
ليش بس بالسعودية المسلسلات برمضان تفشل ومافيه أي تطور وتحصل نص الممثلين من برا المملكة ويقولون مسلسلات قويه للأسف ومافيها أي فايده بس تفتحون عيون بزارينا على أشياء مايعرفونها ؟؟ من هنا تبداء حركات.. ولا اقوول (بجد لاتعليق) ..
ليش بس بالسعودية الناس مايعرفون بعض إلا في المناسبات والتجمعات الأسرية ؟؟ يعني وش عندكم ذيك الأيام مشغولين يعني ؟؟!! كلمة معهودة والله فذا الدنيا وانشغالات وان شاءالله بنجيكم (احترهم يجون)..
ليش بس بالسعودية بالمطاعم ولا الكافيهات إذا شغلنا البلوتوث نتـلفت يمين ويسار وكل واحد يسوي نفسه ترى مهوب أنا ؟؟(الحمد لله والشكر)
ليش بس بالسعودية البنات يصورون روحهم ويحطونها بجولاتهم، يعني عرض أزياء فاتحينها؟؟ وإذا ضاع ولا أنسرق قعدت تصيح ؟؟وش دعوا الحين طلع الإحساس وجاء الإلهام
(سبحانووه وقدرو عليه )
ليش بس بالسعودية البنت لما تدخل المشغل شي، ولما تطلع منه شي ثاني؟؟ لووووووووووووووول كلهم تحت شعار (معاك الحياة احلى)
ليش بس بالسعودية إذا رحنا ندفع المخالفات ولا مطوفه رخصتك واستمارت سيارتك سنه لازم تدور واسطة قبل .. على شان تسدد ؟؟ يعني المرور ينزلون عرووض تخفيض بالصيف (خخخخخخخخخ)
ليش بس بالسعودية نوقف غلط وفي المكان الممنوع وإذا جاء يعطينا عمي الشرطي مخالفه نقوله: ماندري أن هذا ممنوع ونحلف أن هذي آآآآآخر مره ، وبعدين نسوي الممنوع ثانية؟؟؟؟ يعني مسألة تحدي ولا ماله شغلة إلا أنت .. و الا مسألة وقت و أنساااااااااااااااااااااااك
ليش بس بالسعودية تسجل بالمنتدى إذا اسمك جذاب !! صارت ردودك أربع صفحات وإذا مالهم خلقك ..عقبوا.. على الموضوع وطلع بس يعني ترى أنا دخلت ومالي خلق أسوي رد ..يعني يوصل لك معلومه حس على دمك ولا تكتب موضوع ..تبي الجد اقهره ونزل موضوع ماله أي دخل في المنتدى
يعني بين حقدك من بعدها بيصكوونك بعضوية مشرف .. افلقني إذا مالقيت عضويتك عند قووقل مشيووته ..يعني دور منتدى ثاني يتبناك لوووووووووووووووووووول
ليش بس عندنا ناس بالمنتدى اذا دخلت تشكرك وترحب بطرحك للمواضيع ؟؟هذا ان دل على رحابتهم وحسن تعاملهم وتشجيعك للأفضل وتقبلهم لنا بصدر رحب
وتسلموون حبايبي
