ياجاهل الدنيا ترى الموت قافيك

زائر

ياجاهل الدنيا ترى الموت قافيـك اغنم شبابك والتـزم وش تحـرى

اغنم شبابـك دام ربـي معافيـك لاتحسب انك دايم بخيـر تسـرى

اذكر نهـار ان المغسـل يعريـك ماتشعر انك مـن ثيابـك تعـرى

نهـار للبيـت الحقيقـي نوديـك تحمل على الاكتاف وبك انتـدرى

الى بيتك المعلوم تذهب ونرميـك وحيد ما لك عن سكونـه مفـرى

بيت ظلام وفيـة ينعـاد ماضيـك وتشوف ما قدمت خيـرا وشـرى

كاد العمـل طيـب فلابـد ينجيـك وان شان حتى القبر منك يتبـرى

اغلى العرب عندك يروح ويخليـك في حفرة هي السكـن والمقـرى

لامن صديـق ولا رفيـق يسليـك تحت الثرى تسكن والاصحاب برى

هذة قصيدة للشاعر / سالم عبدالله عواد الحجوري الجهني

تحياتي لكم Smile

زائر

يعطيك العافيه وما قصرتي

مرررررررره رووعه الله يجزااك الف خيييير ..
تقبلــي مروري ..